Polşaya hücum olsa, NATO 100 min əsgər göndərəcək - Anjey Duda
Polşaya hücum olacağı təqdirdə müdafiə üçün onun ərazisinə 100 min NATO əsgəri yerləşdiriləcək.
Qaynarinfo xəbər verir ki, bunu Polşa prezidenti Anjey Duda NATO-nun Vilnüsdə keçirilən sammiti başa çatdıqdan sonra bildirib.
"Mən gözləntiləri izah edə bilərəm: məsələn, Brest Qapılarına hücum olsa, 100.000 NATO əsgəri dərhal müdafiə üçün ərazimizə göndəriləcək", deyə Duda bildirib.
Onun sözlərinə görə, bu qərar müdafiə planları çərçivəsində hərbi blok tərəfindən qəbul edilib və təsdiqlənib.
