Polşada Rusiyanın sifarişi ilə təxribat törədən 9 nəfər həbs edilib
“Report” xəbər verir ki, bu barədə Polşanın Baş naziri Donald Tusk “TVN24” telekanalının efirində bildirib.
“Hazırda biz Rusiya xüsusi xidmət orqanlarının tələbi ilə Polşada təxribatda birbaşa iştirakda ittiham olunan doqquz şübhəlini həbs etmişik”, - deyə Donald Tusk bildirib.
O qeyd edib ki, söhbət muzdlulardan gedir və bəzən onlar kriminal aləmin nümayəndələri olurlar. Tusk əlavə edib ki, şübhəli şəxslər arasında Ukrayna, Belarus və Polşa vətəndaşları var.
