Gömrük məmuru arvadını, oğlunu öldürüb, intihar etdi
İstanbulda dəhşətli hadisə baş verib. Modern.az Türkiyə mediasına istinadən bildirir ki, Esenyurtda ruhi sarsıntı keçirən gömrük məmuru, müəllim həyat yoldaşı və 3 yaşındakı uşağını öldürərək intihar edib. Hadisə Esenyurt Orhangazi məhəlləsində meydana gəlib. Gömrük məmuru kimi çalışan Necdət Arıkanın işə getməməsindən şübhələnən yoldaşları evə gələrək qapını döyüb. Qapının açılmaması səbəbindən evə polis çağırılıb.
Çilingərin köməyi ilə evə girən polis Necdət Arıkan, həyat yoldaşı Figen Arıkan və 3 yaşındakı oğulları Efe Arıkanın bədənləri ilə qarşılaşıblar. Aparılan ilk araşdırmada Necdət Arıkanın həyat yoldaşı və oğlunu öldürdükdən sonra intihar etdiyi müəyyən olunub.
