İmişli sakini Prezidentə müraciət etdi - "Xəstəliyim ağırlaşmağa başlayanda pensiyamı kəsdilər"
Zamiq Həsənov müraciətində bildirir ki, 14 ay hərbi xidmətdə olduğu zaman vərəm xəstəliyinə yoluxub.
Daha sonra isə ordu sıralarından təxris rdilib. Hərbi xidmətdə yoluxduğu vərəm xəstəliyinə görə bir müddət əlillik üzrə pensiya təyin edilib.
Gundeminfo.az-a ünvanladığı müraciətində İmişli sakini Zamiq Həsənov deyir ki, hazırda vərəm daşıyıcısı olaraq depressiv haldadır.
"Hazırda yataq xəstəsiyəm. Dərmanlarımı ala bilmirəm. İki azyaşlı övladım var. Heç cür dolana bilmirəm. Azərbaycan Prezidenti Cənab İlham Əliyevə müraciət edirəm, Birinci Vitse Prezident Mehriban Xanım Əliyevaya müracət edirəm. Mənə kömək edin. Yaşaya bilmirəm. Mənim sağlaçlığımla bağlı çətinliklərim var. Səhhətim günü gündən ağırlaşır. lakin mənim pensiyamı kəsiblər" deyə Zamiq Həsənov müraciətində qeyd edir.
Gundeminfo.az-a müraciət edən İmişli sakini ona yerli qurumlar tərəfindən də heç bir köməklik gəstərilmir.
Vətəndaşın müraciəti ilə bağlı Əmək və Əhalinin Sosial Müdafiəsi Nazirliyi ilə əlaqə saxlamaq cəhdlərimiz baş tutmadı. Mövzu ilə bağlı rəsmi qurumların da mövqeyini dinləməyə hazırıq.
