“Əmrahbank”dan İŞİD hücumu ilə bağlı açıqlama
“Əmrahbank” İŞİD terror qruplaşmasının haker qrupunun bankın saytına hücum etməsi ilə bağlı xəbərlərə aydınlıq gətirib. Bankdan AzVision.az-a verilən məlumata görə, hazırda problemin aradan qaldırılması üzərində iş gedir:
“Online ödəmə müvəqqəti olaraq dayandırılıb. Amma bankın işinə heç bir təsir etməyib. Sayta hücumun kim tərəfindən edildiyi məlum deyil. Bu barədə hələ ki, heç bir məlumatın verilməsinə izacə verilmir”. Qeyd edilib ki, bankın ictimaiyyətlə əlaqələr sektorunun rəhbəri məsələ ilə bağlı ictimaiyyətə açqlama verəcək. Xatırladaq ki, “Əmrahbank”ın amrahbank.az və amrahbank.com ünvanında yerləşən rəsmi veb-saytları məruz qalıb. Hazırda sayta daxil olduqdan 1-2 saniyə sonra başqa səhifə açılır və yeni açılan səhifədə Usamə bin Laden və 11 sentyabrda partladılmış qoşa qüllələrin şəkili, digər tərəfdə isə İŞİD-in bayrağı təqdim olunur.
Haker hücumunun İŞİD qruplaşması tərəfindən edildiyi ehtimal edilir.
