Ukrayna HHM Rusiyanın atdığı raketlərin 80 %-ni zərərsizləşdirir
“Report” xəbər verir ki, bu barədə Ukrayna Silahlı Qüvvələrinin Birləşmiş Qüvvələrinin komandanı general-leytenant Sergey Nayev bildirib.
“Hazırda vurulan raketlərin faizi çox dəyişib və 80-ə bərabərdir. Bəzi hallarda isə hətta daha çoxdur. Bizim hava hücumundan müdafiə mütəxəssislərimiz daha peşəkar və bacarıqlı olublar”, - hərbçi deyib.
O əlavə edib ki, Rusiya hava hücumu silahlarından istifadə taktikasını və üsullarını dəyişir. Buna görə də Ukrayna Silahlı Qüvvələri qarşı tərəfin hər bir hücumunu təhlil edir və müvafiq qərarlar qəbul edir ki, hava hücumundan müdafiə sisteminin dayanıqlığı ən yüksək səviyyədə olsun.
