Rusiyada koronavirus daha 530 nəfərin ölümünə səbəb oldu
Rusiyada son sutka ərzində koronavirusa 15 019 yeni yoluxma halı qeydə alınıb. Virtualaz.org yerli KİV-ə istinadən bildirir ki, bununla ölkə üzrə virusa yoluxanların sayı 3 998 216 nəfərə çatıb.
Rusiyada bir gündə həm də 530 pasiyent vəfat edib və pandemiya qurbanlarının ümumi sayı 77 598 olub.
İndiyədək 3 493 886 xəstə sağalıb. Xatırladaq ki, Rusiya koronavirusa yoluxma hallarının sayına görə dünyada dördüncü yerdədir.
