“Turist kimi gedib, ölkəyə əliboş qayıtmayın” - Lukaşenko Olimpiyadadakı idmançılara
Belarus Prezidenti Aleksandr Lukaşenko ölkəsini Tokiodakı Olimpiya Oyunlarında təmsil edən idmançılara müraciət edib.
Bu barədə “BelTA” məlumat yayıb.
“Oraya getməzdən əvvəl buna dəyərmi, yoxsa yox, yaxşı düşünün. Ona görə ki, əgər oraya turist kimi gedirsinizsə və əliboş qayıdacaqsınızsa, yaxşı olar ki, qayıtmayasınız. Bunu sizə hansısa ictimai təşkilat rəhbəri kimi yox, ölkə prezidenti kimi deyirəm. Məni necə istəyirsiniz, elə də başa düşün”, - deyə A.Lukaşenko bildirib.
