Qırğızıstan əsgərləri Qazaxıstanda etirazçılara qarşı çıxmayacaq
“Qırğızıstan qoşunları KTMT sülhməramlı kontingentinin tərkibində Qazaxıstana göndərilsə də, etirazçılarla qarşı-qarşıya dayanmayacaqlar. Onlar yalnız strateji obyektləri qoruyacaq”.
Yeniavaz.com “Ria Novosti”yə istinadla xəbər verir ki, bu sözləri Qırğızıstan Prezidenti Sadır Japarovun mətbuat katibi Erbol Sultanbayev deyib.
O həmçinin bildirib ki, Qırğızıstan sülhməramlıları strateji əhəmiyyət kəsb edən obyektlərin mühafizəsinin təmin edilməsinə cəlb olunacaqlar:
“Joqorku Keneş (Qırğızıstan parlamenti - red.) tərəfindən təsdiq olunarsa, Qırğızıstan Respublikasının hərbi qulluqçuları KTMT Nizamnaməsinə uyğun olaraq, kollektiv qüvvələrin tərkibində müstəsna halda sülhməramlı fəaliyyət üçün Qazaxıstan Respublikasına göndəriləcək”.
