Türkiyə “Türk axını”nı inşa etməyəcək
Türkiyə “Türk axını” qaz xəttinin inşasında iştirak etməyəcək. "Trend"-in “TRT Haber” telekanalına istinadən verdiyi məlumata əsasən, bunu Türkiyənin Energetika və təbii sərvətlər naziri Taner Yıldız deyib.
T.Yıldızın sözlərinə görə, tikinti başa çatdıqdan sonra Türkiyənin Rusiya-Türkiyə birgə şirkətinin həmtəsisatçısı olacağı gözlənilir. Şirkətin Edirne vilayətində boru xəttinin quruya çıxdığı yerdə yaradılması nəzərdə tutulur.
Virtualaz.org xatırladır ki, Rusiya qazını Türkiyədən Avropaya daşıyacaq “Türk Axını” boru xətti 2020-ci ildə tamamlanmalıdır. Boru xətti 910 kilometr uzunluğunda olacaq, bunun 660 kilometri Rusiya, 250 kilometri isə Türkiyə torpaqlarından keçəcək. Layihə ilə Avropaya 63 milyard kubmetr qaz daşınacaq.
