Bəzi banklar dolları yenə bahalaşdırdı
Bu gün Azərbaycan Mərkəzi Bankı (AMB) dolların məzənnəsini stabil saxlamasına baxmayaraq, banklarda valyutanın satış və alış qiymətlərinin daha da bahalaşması müşahidə olunur. Fins.az xəbər verir ki, məsələn, dünən dolları 1,6000 manata alıb, 1,7310 manata satan “Accessbank” bu gün 1,6300 manata alır, 1,7600 manata satır. “Bank of Baku” da dolların alış və satış məzənnələrini yüksəldib. Fevralın 13-də alış 1,68, satış 1,79 manat idi. Bu gün isə dolların alışı 1,7, satışı 1,8 manatdır.
“Turanbank” da həmçinin, alışı 1,6000 manatdan 1,6700 manata, satışı 1,7800 manatdan 1,73 manata qaldırıb.
