Ərdoğanın futbolçu ilə maraqlı zarafatı
Türkiyə Prezidenti Rəcəb Tayyib Ərdoğanla “Fənərbaxça” klubunun hücumçusu Musa Sov arasında maraqlı dialoq yaşanıb.
Axar.az xəbər verir ki, “Fənərbaxça” klubunu ziyarət edən Ərdoğan “Çaykur Rizəspor”a 2 oyunda 5 qol vuran Musa Sovla zarafatlaşıb.
Prezident seneqallı hücumçuya, “Tez-tez “Rizə”yə qol vurursan. Sən mənim rizəli olduğumu bilmirsən? Bizim şəhərin klubu ilə nə qərəzin var?” - deyə soruşub.
Musa Sov isə, “Hörmətli prezidentim, mən həmişə qol vurmaq istəyirəm, amma nədənsə “Rizə” ilə oyunda bəxtim daha çox gətirir”, - deyib.
Qeyd edək ki, Türkiyə Super Liqasının 29-cu turunda “Fənərbaxça” “Çaykur Rizespor”u Musa Sovun qolları ilə 2-1 məğlub edib.
