"Serebro" Ermənistandakı çıxışını ləğv etdi - SƏBƏB
Rusiyanın məşhur "Serebro" qrupu Bakıda verəcək konsertə görə, Ermənistanda planlaşdırdığı konsertini ləğv edib. "Report" xəbər verir ki, bu barədə qrupun heyətindəki mənbədən bildirilib.
Məlumatda bildirilir ki, əvvəlcədən yay proqramına uyğun olaraq, İrəvanın istirahət mərkəzlərinin birində konsert vermək planlaşdırılsa da sonradan Bakıdan gələn təklifə görə həmin konsert təxirə salınıb.
Qeyd edək ki, "Serebro" qrupunun triosu avqustun 8-də Abşeronun çimərlik kompleksinin ərazisində yerləşən "Dalga Beach Nightclub"da konsert verəcək.
