Jurnalistika “magistratura qapısı”nı hamı üçün açdı
Jurnalistikada yaxşı yazmaq yox, doğru yazmaq önəmlidir.
“Ali təhsil müəssisələrinin magistratura səviyyəsinə keçirilən qəbul imtahanında 50 baldan yuxarı nəticə əldə etmiş bütün bakalavrlar jurnalistika ixtisası üzrə seçim edə bilərlər. Mənim fikrimcə, jurnalistikada sahə bilgisi mütləqdir. Problem ondadır ki, həmin bakalavrların bilik səviyyəsi necədir? Məsələn, inşaat mühəndisliyi oxuyan tələbə bakalavr ixtisasından hansı bilgini qazanıb? Ölkəmizdə ali təhsil müəssisələrinin vəziyyəti, tədris keyfiyyəti dünya reytinqi ilə müqayisədə acınacaqlı vəziyyətdədir. Təhsil sahəsində çox ciddi problemlərimiz var. Məsələyə bu prizmadan baxanda mən sevinə bilmirəm.
Jurnalistikaya başqa ixtisaslardan gəlinməsi, əslində, normal haldır. Bir şərtlə ki, bakalavrların jurnalistika sahəsi barədə həqiqətən geniş anlayışları olsun. Belə olduğu halda jurnalistika sahəsinin qazanma ehtimalı var. Jurnalistikada yaxşı yazmaq yox, doğru yazmaq önəmlidir”, - deyə ekspert qeyd edib.
