XİN: "Erməni terrorçusu Ambik Sassunyanın həbsdən azad edilməsini pisləyirik"
Bunu Xarici İşlər Nazirliyinin mətbuat xidməti idarəsinin rəisi Leyla Abdullayeva "Report"un erməni terrorçu Ambik Sassunyanın həbsdən azad edilməsi ilə bağlı sualını cavablandırarkən deyib.
XİN rəsmisi bildirib ki, həbsdə olarkən, 2012-ci ildə “Hay Zinvor” adlı erməni hərbi jurnalına verdiyi müsahibəsində A.Sassunyanın erməni əsgəri olduğu və Azərbaycanın o zaman işğal altında olan Qarabağ ərazisində döyüşməyə hazır olduğunu bildirməsi bu terrorçunun heç də islah olmadığını nümayiş etdirir.
"Ermənistan KİV-də yayılmış məlumata əsasən, bu ölkədə olduğu bildirilən terrorçunun hər hansı şəkildə qəhrəmanlaşdırılması cəhdlərinin qarşısı alınmalıdır", - L.Abdullayeva vurğulayıb.
