Dəm qazı yenə can aldı
Bakıda daha bir nəfər dəm qazından boğulub
Xətai rayon Polis İdarəsindən Lent.az-a verilən məlumata görə, Naximov küçəsində yaşayan 1991-ci il təvəllüdlü Mustafayeva Ülviyyə Fəzail qızı yaşadığı mənzilin hamam otağında qazdan boğularaq ölüb. Onun meyiti yaxınları tərəfindən səhər saatlarında aşkarlanıb.
Faktla bağlı Cinayət Məcəlləsinin 314.2-ci (səhlənkarlıq) maddəsi ilə iş başlanılıb, araşdırma aparılır.
