Rusiyada helikopter qəzası: Ölənlər var
Rusiyanın Kamçatka diyarında "Robinson-44" tipli helikopterin qəzaya uğraması nəticəsində 3 nəfər həlak olub. Bu barədə AzVision.az Rusiya KİV-nə istinadən xəbər verir. "Helikopterin bu modeli 4 nəfər üçün nəzərdə tutulub. Helikopterdəki sərnişinlərin sayı məlum deyil. Hazırda qəza baş verən ərazidə axtarış –xilasetmə işləri davam etdirilir", - Rusiya Fövqəladə Hallar Nazirliyinin Kamçatka diyarı üzrə Baş İdarəsi məlumat yayıb.
Məlumata əsasən, hadisə Petropavlovsk-Kamçatkadan 80 km aralı, Rus buxtasının sahillərində baş verib. Qəza ilə bağlı cinayət işi açılıb.
