Bakıda yaşayış binasında yanğın olub - 12 sakin təxliyyə olunub
Bakıda vətəndaşa məxsus mənzildə yanğın baş verib.
Trend-in Fövqəladə Hallar Nazirliyinin saytına istinadən verdiyi məlumata görə, Yasamal rayonunda ümumi sahəsi 160 kv.m olan 4 otaqlı mənzilin mətbəxində 6 kv.m sahədə döşəmə yanıb.
Yanğın zamanı 12 nəfər bina sakini yanğınsöndürənlər tərəfindən təxliyə olunub. Mənzilin qalan hissəsi yanğından mühafizə olunub. Yanğın saat 11:10-da yanğınsöndürənlər tərəfindən söndürülüb.
