Rusiyanın bir nömrəli “qanuni oğru”su saxlanıldı
Moskvada nüfuzlu “qanuni oğru”lardan hesab edilən Şakro Molodoy ləqəbli Zaxariy Kalaşov saxlanılıb.
“Qafqazinfo” Rusiya KİV-ə istinadən xəbər verir ki, Kalaşov “Elements Jannı Kim” restoranının sahibinin küllü miqdarda pulunu qəsb etməklə bağlı açılan cinayət işi üzrə dünən Federal Xidmət Bürosunun keçirdiyi əməliyyat nəticəsində saxlanılıb.
Qeyd edək ki, Kalaşov Rusiya cinayət aləminin lideri hesab edilir. O bu yeri Ded Xasan kimi tanınan Aslan Usoyanın ölümündən sonra tutub.
