Siyəzəndəki yeyib-içmək məclisində qan töküldü
Siyəzən rayonu, Tofiq İsmayılov küçəsi, bina 14 ünvanında yaşayan 1980-ci il təvəllüdlü Məmmədli Ramin Cəbrayıl oğlu bıçaqlanıb. “Report” xəbər verir ki, o, tanıdığı şəxs tərəfindən bıçaqlandığını bildirib.
Siyəzən Rayon Regional Diaqnostika Mərkəzinə çatdırılan yaralıya döş qəfəsinin, qarının, sağ bazu oynağının, sağ dirsək oynağının kəsilmiş-deşilmiş yaraları diaqnozu qoyulub. Zərəçəkənin onu bıçaqlayan şəxslə birlikdə yeyib-içdiyi, hadisənin də elə bu vaxt baş verdiyi ehtimal edilir.
Faktla bağlı Siyəzən Rayon Polis Şöbəsində araşdırma aparılır.
