GUNDEMİNFO.AZ yazır ki, AzNews.az-a daxil olan məlumata görə, 99 YP 517 dövlət nömrə nişanlı polis maşını Zığ yoluyla hərəkət edən BMW markalı 90 KT 876 dövlət nömrə nişanlı avtomobili qovmağa başlayıb. Polislərdən qaçmaq istəyən sürücü Hövsan yolu yaxınlığında, “Bakubus”un qarşısında avtomobilini səkiyə çırpıb. Bununla da polislər uzun qovhaqovdan sonra sürücünü yaxalaya biliblər.

Məlum olub ki, BMW-ni idarə edən şəxsin sürücülük vəsiqəsi yox imiş. Elə buna görə də polislərdən qaçırmış. Bundan qəzəblənən polis leytenantı sürücünü döyməyə başlayıb. Məsələ ilə bağlı sürücünün fikirlərini öyrənmək istəsək də, o, açıqlama verməkdən imtina etdi. Hazırda başının qarışıq olduğunu deyən şəxs onu döyən polisdən şikayətçi olmadığını bildirib.




1 524 dəfə oxundu