İndoneziyaya getmək istəyən Bakı sakinini kimlər və necə aldatdı?
Azərbaycandan İndoneziyaya turist kimi səfər etmək istəyən şəxs dələduzluqla üzləşib.
Virtualaz.org-un yerli KİV-ə istinadən məlumatına görə, polisə müraciət edən İlkin Yusifov adlı paytaxt sakini İran vətəndaşı olan iki nəfər tərəfindən aldadıldığını bildirib. Belə ki, İ.Yusifov bir müddət əvvəl İran vətəndaşı olan Mohsin Raşidi və Alireza Şahmaradiyə ona İndoneziyaya turpaket almaları üçün min dollar verib. Lakin həmin şəxslər verdikləri vədə əməl etməyərək İ.Yusifovu aldadıblar.
Araşdırma aparılır.
