Mingəçevirdə avtomobil 4 piyadanı vurub, 40 yaşlı qadın və 3 yaşlı körpə ölüb
Mingəçevir şəhərində bir ailənin 4 üzvünü maşın vurub, 2 nəfər ölüb. "Report" xəbər verir ki, hadisə zamanı ağır bədən xəsarətləri alan, 2015-ci il təvəllüdlü Mələk Pərviz qızı Hüseynova yerləşdirldiyi xəstəxanada ölüb. Faktla bağlı araşdırmalar davam etdirilir.
***
Yaralı piyadalardan biri xəstəxanada keçinib. "Report”un Şirvan bürosu xəbər verir ki, şəhərin bayraq meydanında avtomobil tərəfindən vurularaq ağır xəsarət almış 1986-cı il təvəllüdlü şəhər sakini Hüseynova Gülnar Zülfüqar qızının həyatını xilas etmək mümkün olmayıb. O, xəstəxanada dünyasını dəyişib.
Qeyd edək ki, hadisə şəhərin bayraq meydanında baş vermişdi. Belə ki, iyulun 15-i axşam saatlarında yolu keçmək istəyən bir ailənin dörd üzvünü maşın vuraraq ağır xəsarət yetirib. Faktla bağlı araşdırma aparılır.
