Gömrükdə total dəyişiklik - Dövlət Gömrük Komitəsində generallar ixtisar olunur
Bu sözləri Azərbaycan İnternet Forumunun prezidenti Osman Gündüz deyib.
O bildirib ki, Rayon Gömrük İdarələri yenidən formalaşdırılır:
“Bir neçə gün öncə də DGK strukturunda 1-ci müavin və müavin ştatlarından biri ləğv edilib. Beləliklə, bütün bunlardan sonra güman etmək olar ki, DGK-nin yeni strukturunda generalların sayı xeyli, ən azı 6-7 nəfər azalacaq. Görünür ki, DGK-nin yeni rəhbərliyi regional idarəetməni məqsədəuyğun hesab etməyib. Hansı ki, zamanında bu strukturlar formalaşanda generalların sayının artırılması deyil, daha çevik və effektiv gömrük idarəetməsinin formalaşdırılması nəzərdə tutulmuşdu. Amma göründüyü kimi bu baş verməyib.
İndi necə olacaq? DGK hələlik bu haqda açıqlama verməyib, sadəcə, kadr islahatlarına, generalların, rəislərin sayının azaldılmasına yönəlik addımlara üstünlük verilib”.
O.Gündüz deyib ki, gömrük rəsmiləşməsində DGK ifrat mərkəzləşməni də yumşaltmaq niyyətindədir:
“DGK-nin rəqəmsal transformasiya sahəsində yaxşı ənənələri, effektiv rəqəmsal həlləri olub. Ümid edirəm, DGK-nin yeni strukturu Rəqəmsal Gömrük konsepsiyasının uğurla reallaşmasına kömək olacaq”. //axar.az//
