“Məsləhət versəm də, öz bildiyini edəcək” - Xalq artisti
Xalq artisti Rasim Balayev yerli filmlərdə rol almamasının səbəbini açıqlayıb
Musavat.com saytına açıqlama verən xalq artisti bildirib ki, hazırda yazılan ssenarilər zəifdir:
“Yerli film və seriallara dəvət alıram. Düşünürəm ki, onlarda rol almaqdansa, almamaq yaxşıdır. Ssenari zəifdir, boş, mənasız, primitiv dialoqlardır. İnsanlar çəkilən filmlərdən ibrət götürməli, maariflənməlidir. Bizdə bu yoxdur. Filmlər lağ-lağı üçün çəkilməməlidir. Teatr sahəsində də geriləmə var. Teatrdan çıxandan sonra izlədiyin tamaşa yaddan çıxır. Əvvəllər teatrda izlədiyimiz tamaşanın təsiri ilə günlərlə yaşayırdıq.”.
