Jurnalist Fikrət Fəraməzoğlunun məhkəməsi 22 noyabra təyin olundu
“Jam.az” saytının rəhbəri Fikrət Fəraməzoğlunun barəsindəki cinayət işi icraata verilib. Bu haqda Modern.az-a vəkil Elçin Sadıqov məlumat verib. Cinayət işi baxılması üçün Bakı Ağır Cinayətlər Məhkəməsinin hakimi Eldar Mikayılovun icraatına verilib.
Məhkəmədən verilən məlumata görə hazırlıq iclası noyabrın 22-də, saat 14.00-a keçiriləcək. Fikrət Fəraməzoğlu bu il iyunun 30-da saxlanılıb. Onun barəsində Cinayət Məcəlləsinin 182-ci maddəsi ilə (hədə-qorxu ilə tələb etmə) cinayət işi başlanılıb.
