Goranboyda canavar sürüsü kəndə hücum etdi - FOTOLAR
Goranboy rayonunda canavar sürüsü kəndə hücum edib. "Report"un məlumatına görə, hadisə gecə saatlarında Məşədiqaralar kənd sakini Abuzər Hüseynova məxsus təsərrüfatda baş verib. Belə ki, yırtıcılar bir baş uzunqulağı parçalayıb və bir baş atı yaralayıblar. Qonşuları köməyə çağıran ev sahibi yaxınlıqda olan atı yırtıcılardan xilas edə bilib.
A.Hüseynov bildirib ki, son günlər həm otlaq sahələrinə, həm də həyətlərə yırtıcılar tez-tez hücüm edir. Onun sözlərinə görə, son 3 ayda canvarlar üç baş ulağını və bir neçə xırdabuynuzlu heyvanını parçalayıblar. Kənd sakinləri canavarların insanlara hücum edə biləcəyindən narahat olduqlarını bildiriblər.
