Çin Afrikanı MDB ölkələri ilə birləşdirmək istəyir
Çin XİN rəhbəri Van İ Madaqaskara səfəri zamanı Afrika ölkələrini “Bir kəmər – yol” iqtisadi inkişaf strategiyasının reallaşdırılmasında iştirak etməyə dəvət edib.
Bu barədə RİA Novosti xəbər yayıb. Nazirin sözlərinə görə, Afrika ölkələri tarixən İpək Yolu iqtisadi kəmərinin tərkib hissəsi olublar. Çin XİN rəhbəri qeyd edib ki, rəsmi Pekin məsələ ilə əlaqədar bir çox Afrika ölkələri ilə məsləhətləşmələr apararaq, irəliləyişə nail olub.
Xatırladaq Van İ yanvarın 7-dən Madaqaskar, Zambiya, Tanzaniya, Konqo və Nigeriyaya turne həyata keçirir. Onun səfəri ayın 12-də başa çatacaq.
