Səhiyyə Nazirliyinin mütəxəssisi kütləvi yayılan virusun adını AÇIQLADI
Əhali arasında kütləvi yayılan virus nədir?
Bizim.Media-ya bu barədə danışan Səhiyyə Nazirliyinin mütəxəssis-eksperti Əkbər Quliyev bildirib ki, yayılan infeksiyaların əksər hallarda səbəbi törədici viruslardır:
“Son zamanlar əhali arasında gəzən şikayətlər əsasən boğaz ağrısı, öskürək, yüksək hərarət, əzələ və baş ağrıları ilə müşahidə olunur. İstər koronavirus, istərsə də adenovirusu müəyyənləşdirməkdən ötrü mütləq PCR testi vermək tövsiyyə olunur. Bu şikayətlər ən çoxu 3-5 günə yüngül dəstək müalicə, yəni qızdırma salıcı və ağrıkəsici dərmanlarla keçib gedir. Amma əgər xəstəlik həmin müddətdən çox uzanarsa və vəziyyət ağırlaşarsa, həkimə müraciət etmək tövsiyyə olunur”,- deyə mütəxəssis qeyd edib.
