“Nərimanov Azərbaycanda xəyənətin ən yüksək zirvəsinə qalxmış şəxsdir”
Demokrat.az-ın xəbərinə görə, bunu vəkil Nemət Kərimli bildirib.
N.Kərimli qeyd edib ki, Məhəmməd Əmin Rəsulzadənin “İnsanlara hürriyyət, millətlərə istiqlal” fikri yalnız şüar deyil, canlılar üçün, xalqlar üçün bir aksiomdur: “Nərimanov nəinki istiqlalın əleyhinə çıxıb, onu qəbul etməyib, hətta 1918-1920-ci illərin müstəqil, azad Xalq Cümhuriyyətinin zorla devrilməsi, ölkəmizin işğal olunması üçün Moskvada sovet Rusiyasının planının hazırlanmasında, təşkil edilməsində xüsusi rol oynayıb, işğalçı dövlət ona ümid bəsləyib. O deyirdi: “Azərbaycanın əbədi xoşbəxtliyi Rusiya ilə bağlıdır.” Azərbaycanın 27 aprel 1920-ci ildə rus işğalından sonra mayın 27-də Nərimanov Leninə teleqram vurur: “XI ordu özünü çox gözəl aparır.” Təsəvvür edin ki, Bakıdan kimsə Moskvaya teleqram vurur ki, 366-cı polk Xocalıda özünü gözəl aparıb… Bəziləri deyir ki, səhvin başa düşüb, oğluna məktub yazıb. Onda həmin məntiqlə bütün dünyada həbsxanaları sökmək lazımdır”.
