“Muxtar Babayev istefa verməli, Baş Prokurorluq da Nazirlikdə araşdırmalar aparmalıdır”
Bu sözləri Pravda.az-a açıqlamasında Ağ Partiyanın sədri Tural Abbaslı deyib.
O bildirib ki, ümumiyyətlə, nazir Muxtar Babayevin özü istefa verməlidir, istefasını istəməlidir: “Prezidentin də işarə vurduğu “salam-əleyk” məsələsi varsa, bu, artıq hüquq-mühafizə orqanları, Baş Prokurorluq üçün bir siqnal olmalıdır ki, tək vətəndaşların fəaliyyətinin araşdırılması istiqamətində yox, hadisənin baş vermə səbəbləri istiqamətində də araşdırılma aparılmalıdır. Burada vəzifə səlahiyyətlərindən sui-istifadə, vəzifə borcunu yerinə yetirməmə halları da var. Bunların hamısı birbaşa Cinayət Məcəlləsində təsbit olunan maddələrdir. Baş Prokurorluq Nazirlik istiqamətində adiyyatı cinayət tərkibli araşdırmaları başlatmalıdır, nəinki istefa. Ki digərləri də dərslərini alsınlar... Hətta Prezident qeyd edir ki, 1 aydır, tapşırmışam, hələ də məruzə yoxdur. Prezidentə cavab vermək, məruzə etmək məsələsini yubadanlar, yola verənlər, görün indi xalqı heç nəzərə alarlarmı?”
