Qeydiyyatdan keçmiş 61 siyasi partiyadan 2-nin sədri qadındır
APA-nın məlumatına görə, bu, Milli Məclisin sabah keçiriləcək iclasında ilk dəfə təqdim ediləcək “Gender bərabərliyinin təmin edilməsinə nəzarəti həyata keçirən icra hakimiyyəti orqanının illik məlumatı”nda əksini tapıb.
2019-cu ilin statistikasına əsasən, ölkədə rəsmi qeydiyyatdan keçmiş 61 siyasi partiyadan 2-nə qadınlar, 59-na kişilər rəhbərlik edib: “Bu partiyaların seçkili orqanları və rəhbər strukturlarında təmsil olunanların 23%-i qadındır. Bu qadınlardan da 38,1%-ni gənc, 55%-ni isə ali təhsilli qadınlar təşkil edir".
