Deputat 18 il sonra xidmət etdiyi hərbi hissədə oldu: “Yerində xarabalıqları qalıb“ FOTOLAR
Böyük Quruluş Partiyasının başqanı, millət vəkili Fazil Mustafa xidmət etdiyi hərbi hissə barəsində danışıb.
Gundeminfo.az xəbər verir ki, o vaxtilə xidmətdə olduğu Ermənistan-Azərbaycan təmas xəttindən görüntülər paylaşıb. Deputat həmin yerlərin xarabalığa çevrildiyini qeyd edib:
“Əməlli-başlı nostalgiya yaşadım. 2001-2003-cü illərdə zabit kimi xidmət etdiyim döyüş bölgəsindəki hərbi hissələrdə oldum. İndi hamısı köçürülüb və yerində xarabalıqları qalıb. Olsun, xatirələrin canlanması üçün bu da yetər. Bu tut ağacı da o şərəfli günlərimizin şahididir. Əsgərlərim və zabit dostlarım buraları görəndə xatırlayacaqlar”.
