Səməd Seyidova yüksək vəzifə verildi
Azərbaycan Respublikası Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidov Avropa Şurası Parlament Assambleyasının Monitorinq Komitəsinin birinci vitse-prezidenti seçilib.
Yeniavaz.com xəbər verir ki, o, bu barədə tvitter hesabında paylaşım edib.
“Strasburqda (Fransa şəhəri – red.) çox məsul vəzifəyə yekdilliklə seçilməkdən qürur duyuram”, - deyə Seyidov paylaşımında yazıb.
Qeyd edək ki, Səməd Seyidov həmçinin Azərbaycanın AŞPA-dakı nümayəndə heyətinin rəhbəridir.
