Aqil Abbas: “Şuşaya getmək istəyən alimlər onları aldadan şəxsi “eşşək sudan gələnəcən” döysünlər”
Bu sözləri Pravda.az-a Milli Məclisin deputatı Aqil Abbas Azərbaycan Milli Elmlər Akademiyasının bir qrup aliminin Şuşaya səfər adı ilə aldadılmasından danışarkən deyib.
Deputat bildirib ki, indi hamı Şuşanı görmək istəyir: “Bu da, əlbəttə ki, müvəqqəti şeydir. Keçib gedəcək. Yəqin ki, gələn ildən Şuşaya rahat şəkildə gediş-gəliş olacaq, sakinlərin köçü başlayacaq, belə hadisələr də baş verməyəcək. İstəyən adam öz avtomobilinə oturub Şuşaya rahat gedəcək. Bu il mümkün olsa, lap yaxşı olardı, turizm genişlənərdi, Şuşanı görmək istəyən çoxdur… Amma indi buna Şuşada tam şərait yoxdur”.
