Şəhid və qazi ailələri ilə yeni il öncəsi görüş keçirildi
Keçirillmiş tədbirdə Rayon İcra Hakimiyyətinin başçısı Süleyman Mİkayılov, Milli Məclisin deputatları Aydın Hüseynov, Səbinə Xasayeva, Rayonun Hüquq mühafizə orqanlarının rəhbərləri, Aparatın məsul işçiləri, Şəhid və qazi ailələri, həmçinin Şəhidlərimizin və qazilərimizin övladları iştirak edirdi.
Tədbiri giriş sözü ilə açan Qaradağ Rayon İcra Hakimiyyətinin başçısı Süleyman Mikayılov Şəhid və Qazi ailələrini qarşıdan gələn 31 dekabr - Dünya Azərbaycanlılarının həmrəylik günü və Yeni 2023-cü il münasibəti ilə təbrik edərək, ölkə başçısının daim diqqət və qayğısından söz açdı. Uşaqlara göstərilən xüsusi qayğı, onların gələcəkdə Azərbaycanın layiqli övlad olmalarını vurğuladı.
Tədbirdə iştirak edən qonaqlar ənənə halını almış bayramdan öncə şəhid və qazi ailələri iləgörüşlərin müsbət hal olduğunu, onların sosial məsələlərinin daim ölkə rəhbərinin nəzarətində olduğundan danışdılar. Bildirdilər ki, Azərbaycan xalqı daim onlara xüsusi hörmətlə yanaşır.
Tədbir yeni il şənliyi ilə davam etdi, tədbirdə iştirak edən Şaxta baba və Qar qız uşaqlara yeni il sovqatları hədiyyə etdilər.
Şəhid və qazi ailələri onlara göstərilən diqqət və qayğıdan məmnun qaldıqlarını, onları daim diqqət mərkəzində saxlayan cənab İlham Əliyevə və Mehriban xanım Əliyevaya öz təşəkkürünü bildirdilər
