ABŞ Almaniyaya “Abrams” tankları göndərdi
Yeniavaz.com xəbər verir ki, bu barədə keçirdiyi brifinqdə Pentaqonun sözçüsü Patrik Rayder məlumat verib:
“Təsdiq edə bilərəm ki, 31 “M1 Abrams” tankı Ukrayna tank komandalarının sonrakı təlimlərinə hazırlaşmaq üçün Almaniyaya gəlib”.
Rayder əlavə edib ki, Ukrayna hərbçiləri bir neçə həftə ərzində təlimə gələcəklər. Bundan əvvəl, aprelin 21-də Pentaqonun rəhbəri Lloyd Ostin həmçinin Ukrayna hərbçilərinin təlimi üçün “Abrams” tanklarının yaxın həftələrdə Almaniyaya gələcəyini bildirmişdi. O qeyd edib ki, Kiyevə 230-dan çox tank və 1500-dən çox zirehli texnika, eləcə də döyüş sursatları verilib.
