Bulvar ərazisində gəmi ilə səyahətlər niyə təşkil olunmur? - Rəsmi AÇIQLAMA
Paytaxt sakinlərinin və turistlərin fikirlərindən də aydın olur ki, bu səyahətə tələbat çoxdur. Maraqlıdır, gəmi ilə səyahət niyə təşkil olunmur?
Məsələ ilə bağlı Trend-ə açıqlamasında Dənizkənarı Bulvar İdarəsinin mətbuat xidmətinin rəhbəri Əfsanə Mehdiyeva bildirib ki, Xəzər dənizində suyun səviyyəsi aşağı düşdüyündən gəmilərin fəaliyyəti müvəqqəti dayandırılıb.
“Gəmilərin təhlükə ilə üzləşmə ehtimalı nəzərə alınaraq bu addım atılıb. Gəmilər texniki baxışdan keçiblər və saz vəziyyətdədirlər. Onların fəaliyyət göstərməsiylə bağlı heç bir problem yoxdur”, - deyə Ə. Mehdiyeva qeyd edib.
