İşsiz statusu olanların əksəriyyəti Bakıda yaşayır
Azərbaycanda işsiz statusuna malik olanlar daha çox Bakı şəhərində yaşayır. Virtualaz.org Dövlət Statistika Komitəsinin rəsmi məlumatlarına istinadən xəbər verir ki, bu il mayın 1-ə olan məlumata əsasən, hazırda ölkə üzrə 33 779 nəfər işsiz statusuna malik insan var. Onların 7021 nəfəri işsizliyə görə müavinət alır.
Azərbaycandakı bütün işsiz statusuna malik olan insanların 14 743-ü Bakı şəhərində yaşayır. Onların 3113-ü işsizliyə görə müavinət alır. Bölgələr üzrə isə ən çox işsiz statusuna malik olanlar Aran rayonları üzrədir.
Ümumilikdə, işsiz statusuna malik olanların 2178-i Gəncə-Qazax iqtisadi rayonunun, 1002-i Şəki-Zaqatala iqtisadi rayonunun, 977-i Lənkəran iqtisadi rayonunun, 1230-u Quba-Xaçmaz iqtisadi rayonunun, 8001-i Aran iqtisadi rayonunun, 1705-i Yuxarı Qarabağ iqtisadi rayonunun, 1422-i Kəlbəcər-Laçın iqtisadi rayonunun, 825-i Dağlıq Şirvan iqtisadi rayonunun payına düşür.
