Moskva-Bakı reysi 2 saatdan çox gecikib
Rusiyanın paytaxt aeroportlarında güclü qar səbəbindən 30 reys təxirə salınıb, 60 reys isə gecikib. AzVision.az Rusiya mətbuatına istinadən xəbər verir ki, nəticədə Rusiyanın “Aeroflot” aviaşirkətinin Moskvanın Şeremetyevo hava limanından Bakıya ötən gecə həyata keçirilmiş reysi 2 saat 35 dəqiqə gecikib. Belə ki, Moskva vaxtı ilə gecə saat 00:55-də havaya qalxmalı olan təyyarə əlverişsiz hava şəraiti üzündən saat 03:30-da yola düşüb.
