Güclü qar səbəbindən Lənkəranda bir neçə ev qəzalı vəziyyətə düşüb
Lənkəranda qarın ağırlığına tab gətirməyən bir neçə ev qəzalı vəziyyətə düşüb.
APA-nın cənub bürosunun verdiyi məlumata görə, hadisə rayonun Balıqçılar qəsəbəsində qeydə alınıb. Kəndin icra nümayəndəsi Məlik Abışov bildirib ki, bir neçə evin dam örtüyünün bir hissəsi və divarı çöküb. Onun sözlərinə görə, məsələ ilə bağlı artıq aidiyyatı qurumlara məlumat verilib.
