Azərbaycanda bütün binaların zəlzələyə davamlılığı yoxlanacaq
“Həm hündür, həm orta, həm də aşağı mərtəbəli binaların seysmoloji vəziyyəti yoxlanılacaq”. Bunu APA-ya Azərbaycan Milli Elmlər Akademiyasının (AMEA) nəzdində Respublika Seysmoloji Xidmət Mərkəzinin direktoru Qurban Yetirmişli deyib.
O bildirib ki, bununla bağlı yaxın günlərdə Almaniya ilə protokol imzalanacaq: “Bu iş üçün maliyyəni Almaniya ayıracaq. Xüsusi cihazlar alınacaq, eyni zamanda, bizim əməkdaşlarımıza Almaniyada treninqlər keçiriləcək”.
Q. Yetirmişli qeyd edib ki, binaların seysmoloji vəziyyətinə ətraf mühitin, yeraltı proseslərin, tikinti materialların təsiri öyrəniləcək.
