Bakıda evin qarşısına qumbara və qərənfil buketi niyə qoyulub?
“Qafqazinfo”nun əldə etdiyi məlumata görə, noyabrın 13-də polisə müraciət edən Nəsimi rayon sakini, 1984-cü il təvəllüdlü Nəriman Səfərov (ad və soyadlar şərtidir) yaşadığı mənzilin qarşısına qumbara və qərənfillərdən ibarət gül buketinin qoyulduğunu bildirib.
O qeyd edib ki, həmin gün Hüseyn adlı şəxs yaşadığı Alı Mustafayev küçəsindəki mənzilə gəlib. Həmin şəxs bildirib ki, Nərimanın keçmiş qayınatası, Masallı sakini Teyyub Babayevə 30 min dollar borcu var. Hüseyn pulların ona verilməsini tələb edərək qarşı tərəfi hədələyib.
Müraciətlə bağlı ilkin araşdırmalar və əməliyyat-axtarış tədbirləri həyata keçirilir.
